၁၉၈၈ – အရည်အသွေးသင့်တင့်သော ပြည်တွင်းဖြစ် ဘက်ထရီအိုး အရွယ်အစားမျိုးစုံကို “ရွှေလင်းအောင်” အမှတ်တံဆိပ်ဖြင့် စတင်ထုတ်လုပ် ဖြန့်ဖြူးခဲ့ရာ “ရွှေလင်းအောင် ဘက်ထရီ” အဖြစ်လူသိများခဲ့ကြပါတယ်။

အဲဒီကမှ စျေးကွက်လိုအပ်ချက်အရ ၆-ဗို့, ၈-ဗို့, ၁၂-ဗို့ ဘက်ထရီအိုးလေးများနဲ့တွဲသုံးလို့ရတဲ့ ဘက်ထရီမီးချောင်းခြုပ်လေးများကို “အောင်” အမှတ်တံဆိပ်ဖြင့် စတင်ထုတ်လုပ်ဖြန့်ဖြူးခဲ့ရာ သုံးစွဲရတာအဆင်ပြေသည့်အပြင် ပစ္စည်းအရည်အသွေးကောင်းတာကြောင့် လူကြိုက်များခဲ့ပြီး စျေးကွက်ထဲတွင် “အောင်” အမည်ဖြင့် အသိအမှတ်ပြုကုန်တံဆိပ်တစ်ခုအဖြစ် စတင်ရောက်ရှိ ရပ်တည်ခဲ့နိုင်ပါတယ်။

၁၉၉၄ – ခုနှစ်မှစတင်ပြီး တဖြေးဖြေး ပါဝါအီလက်ထရောနစ်ထုတ်ကုန်များဖြစ်တဲ့ ထရန်စဖော်မာ, အင်ဗာတာလိုင်းဘက်ကို ကူးပြောင်းခဲ့ပြီး သုံးစွဲသူများ၏ လိုအပ်ချက်များနှင့် ကိုက်ညီသည့် အရည်အသွေးကောင်းမွန်သော မီးအားမြှင့်စက် (လက်လှည့်/အော်တို) အရွယ်အစားမျိုးစုံ၊ အင်ဗာတာမျိုးစုံနှင့် မီးဖြတ်စက်မျိုးစုံ စသည်တို့ကို ထုတ်လုပ်ဖြန့်ဖြူးခဲ့ပါတယ်။

အဲဒီလိုနဲ့ ယနေ့အထိ နှစ်ပေါင်း ၃၀ ကျော် ၄၀ နီးပါးတိုင်သည်အထိ ထုတ်လုပ်ခဲ့သမျှပစ္စည်းအားလုံးကို အရည်အသွေးအဆင့်အတန်းမှီကောင်းမွန်စွာ စဉ်ဆက်မပြတ်ထုတ်လုပ်ခဲ့ပြီး “အောင်” အမှတ်တံဆိပ် (အောင် အီလက်ထရောနစ်) နာမည်လေးကို ဂရုတစိုက် ကောင်းမွန်စွာထိန်းသိမ်းခဲ့တာမို့ လက်ရှိစျေးကွက်ထဲမှာ အသိအမှတ်ပြု ကုန်တံဆိပ် ပါဝါအီလက်ထရောနစ်ကုန်ပစ္စည်းများအဖြစ် ရပ်တည်နေခဲ့ ရပ်တည်နေဆဲဖြစ်ပါတယ်။

ရှေ့ဆက်ပြီးတော့လည်း “အောင်” က ထုတ်သော ပစ္စည်းများကို စံချိန်စံညွှန်း အရည်အသွေးပြည့်မှီစွာ ခေတ်နဲ့အမှီ ဆက်လက်တီထွင်ထုတ်လုပ်နိုင်အောင် ပညာရှင် အင်ဂျင်နီယာများဖြင့် ပူးပေါင်း၍ သုံးစွဲသူကာစတန်မာများ၏ လိုအပ်ချက်များနှင့် ပြည့်မှီစွာ ဆက်လက်ထုတ်လုပ်သွားမှာ ဖြစ်ပါတယ်။

AUNG Electronics

Transform Visitors into Customers for our sales!

Ensure Safety and ZERO Rework for our services!